Under this page, you will find updated information regarding the court. News updates, press releases and announcements of the courts will be displayed under this page.

Additionally, speeches of the President and Vice President of the courts, and services for the media such as media advisories are included in this page.

የፍ/ቤቱን ሴት ሰራተኞች ማብቃትና ሃላፊነታቸዉን በብቃት መወጣት የሚያስችሉ ድጋፎችን ማመቻቸት እንዲሁም ምቹ የስራ አካባቢ መፍጠር አስፈላጊነት ተጠቆመ፡፡
/ Categories: News

የፍ/ቤቱን ሴት ሰራተኞች ማብቃትና ሃላፊነታቸዉን በብቃት መወጣት የሚያስችሉ ድጋፎችን ማመቻቸት እንዲሁም ምቹ የስራ አካባቢ መፍጠር አስፈላጊነት ተጠቆመ፡፡

የፍ/ቤቱን ሴት ሰራተኞች ማብቃትና ሃላፊነታቸዉን በብቃት መወጣት የሚያስችሉ ድጋፎችን ማመቻቸት እንዲሁም ምቹ የስራ አካባቢ መፍጠር አስፈላጊነት ተጠቆመ፡፡

የፌዴራል ጠቅላይ ፍርድ ቤት ፕሬዝደንት ክብርት ወ/ሮ መዓዛ አሸናፊ የፍ/ቤቱን ሴቶች ባለሙያዎች ማብቃትና ኃላፊነታቸዉን በከፍተኛ ብቃት እንዲወጡ የሚያስችል አሰራሮችን ለማመቻቸት ከሴት ዳይሬክተሮች፣ የቡድን መሪዎች፣ ከፍተኛ ባለሙያዎች እና የፅዳት ሰራተኛ ተወካዬች ጋር ነሐሴ 28 ቀን 2012 ዓ.ም ዉይይት አድርገዋል፡፡

በፌዴራል ጠቅላይ ፍርድ ቤት በተለያዩ የስራ ዘርፎች ላይ የሚገኙ ሴት ባለሙያዎችን አቅም በማጠናከርና ምቹ የስራ ቦታ በመፍጠር ፍርድ ቤቱን የተሻለ አገልግሎት ሰጪ ተቋም በማድረግ በተገልጋይ ዘንድ መልካም ገፅታ ለመፍጠር በጋራ መስራት ይገባል ያሉት ክብርት ወ/ሮ መዓዛ አሸናፊ ውይይቱ ያሉንን ሃብቶች በአግባቡ በመጠበቅና በመጠቀም ለቀጣጥ ትዉልድ የሚተርፍ ስራ ለመስራት በአስተሳሰብ የተቀየረ ማህበረሰብ በፍርድ ቤታችን የመፍጠር ዓላማ ያነገበ መሆኑን ገልጸዋል፡፡

ለውይይት መነሻ የሚሆን ሃሳብ ያቀረቡት የክብርት ፕሬዝደንት ረዳት ባለሙያ የሆኑት ወ/ሪት ሩት ተክለአብ ስለ ምቹ የስራ ቦታ ምንነት፣ ጥቅም እና ምቹ የስራ ቦታ ለመፍጠር ስለሚያስፈልጉ ጉዳዮች ገለፃ ያቀረቡ ሲሆን በመልካምና ምቹ የስራ አካባቢ ለመስራት ከልብ መፈለግና የውስጥ መነሳሳት አንዱ የለዉጥ አካል እንደሆነም በገለጻቸው ጠቁመዋል፡፡

ይህንንም ተከትሎ ከተሳታፊ ሴት ሰራተኞች ጋር በተደረገው የሃሳብ ልውውጥ የፍርድ ቤቱን ምድረ ግቢ እንዲሁም ቢሮዎችን ምቹና ሰላማዊ ለማድረግ እንቅፋት የሚሆኑ ችግሮች በሰፊዉ የተነሱ ሲሆን እያንዳንዱ ሰራተኛ የስራ አካባቢውን ንጽህና የመጠበቅ ሃፊነት መወጣት እንዳለበትና የአመለካከት ለውጥ እንዲያመጣ ቀጣይነት ባለው መልኩ ሊሰራ ይገባል ተብሏል፡፡ በሌላ በኩል አሰራርን ከማዘመን ጀምሮ በንብረት አጠቃቀም፤ አገልግሎት የማይሰጡ ያረጁ ንብረቶች በአግባቡ አወጋገድና የስራ አካባቢ ንጽህና አጠባበቅ ላይ በትኩረት የሚሰራ ተቋማዊ ንቅናቄ ማስጀመሪያ ሃሳቦች ቀርበዋል፡፡ በጉዳዩ ላይ ቀጥተኛ ተልዕኮ ያለው የስራ ክፍል አደረጃጀቶችን ለማስተካከል የፍርድ ቤቱ ከፍተኛ አመራሮች ከአስተዳደር ክፍል ሃላፊዎች ጋር በጥምረት የሚሰራ ኮሚቴ ተቋቁሟል፡፡

Previous Article የፌዴራል ጠቅላይ ፍርድ ቤት ጉባዔ 5ኛ ዓመታዊ ጉባዔ የአቋም መግለጫ
Next Article ፍርድ ቤቶች የሕዝብ አመኔታ እንዲያገኙ ዳኞች በዘርፉ ላሉ የሥነምግባር መርሆዎች ተገዢ ሊሆኑ እንደሚገባ ተገለጸ
Print
168