Under this page, you will find updated information regarding the court. News updates, press releases and announcements of the courts will be displayed under this page.

Additionally, speeches of the President and Vice President of the courts, and services for the media such as media advisories are included in this page.

ፍርድ ቤቶች የሕዝብ አመኔታ እንዲያገኙ ዳኞች በዘርፉ ላሉ የሥነምግባር መርሆዎች ተገዢ ሊሆኑ እንደሚገባ ተገለጸ
/ Categories: News

ፍርድ ቤቶች የሕዝብ አመኔታ እንዲያገኙ ዳኞች በዘርፉ ላሉ የሥነምግባር መርሆዎች ተገዢ ሊሆኑ እንደሚገባ ተገለጸ

የፌደራል ፍርድ ቤቶች በአገልግሎት አሰጣጣቸው የሕዝብ አመኔታ ሊያተርፉ የሚችሉት ሥራቸውን የዳኝነት የሥነምግባር ደንቡን እና ዓለም አቀፍ የዳኝነት የሥነምግባር መርሆዎችን መሠረት አድርገው ሲያከናውኑ መሆኑ ተገለጸ፡፡

ይህ የተገለጸው ለፌደራል ከፍተኛ ፍርድ ቤት ለተሾሙ 40 ዳኞች እና 10 ረዳት ዳኞች ከመስከረም 26-30 ቀን 2013 ዓ.ም ሲካሔድ የቆየው የሥራ ማስጀመሪያ ሥልጠና ማጠናቀቂያ ላይ የፌደራል ጠቅላይ ፍርድ ቤት ዳኛ የሆኑት እና በሥልጠናው ላይ በአሠልጣኝነት የተሳተፉት አቶ ቀነዓ ቂጣታ በሰጡት አስተያየት ነው፡፡

በፌደራል የፍትሕና የሕግ ምርምር ሥልጠና ኢኒስቲትዩት የተዘጋጀውና ለአምስት ቀናት የቆየው ሥልጠና በምርጫ ሕግ፣ በተሻሻለው የወንጀል ሥነሥርዓት ሕግ ረቂቅ እንዲሁም በዳኝነት ሥነምግባር ላይ ትኩረት ያደረገ መሆኑ ታውቋል፡፡

የሥልጠናው ዓላማ ለፍርድ ቤቱ አዲስ የተሾሙ ዳኞች በሥልጠናው ርዕሰ-ጉዳዮች ላይ በቂ ግንዛቤ እንዲጨብጡ በማድረግ ቀደም ሲል በነበራቸው የዳኝነት የስራ ልምድ ላይ ተጨማሪ የዳኝነት እውቀትና ክህሎት እንዲያዳብሩ፣ በሥነምግባር የታነጹ እንዲሆኑ እንዲሁም ተገልጋይን ማዕከል ያደረገ የዳኝነት አገልግሎት ለመስጠት የሚያስችል አቅም እንዲገነቡ ለማስቻል መሆኑን ለመረዳት ተችሏል፡፡

ማንኛውም ሙያ የራሱ የሆኑ የሥነምግባር መርሆዎች ያሉት መሆኑን የጠቀሱት ዳኛ ቀንዓ፣ እነዚህ የሥነምግባር መርሆዎች ተዋቅረው የሚቀመጡት በሥነምግባር ደንብ መሆኑን በመግለጽ በተለይ በዳኝነት ሙያ ላይ የተሰማሩ ዳኞች እና ሌሎች ባለሙያዎች የዳኝነት ሙያ ምንድን ነው? ሙያው ምን ይጠይቃል? የሙያው ሥነምግባር ምንድን ነው? በሚሉት ላይ በቂ ግንዛቤ መፍጠር ተገቢ በመሆኑ ሥልጠናው በዚህ ላይ ትኩረት ያደረገ መሆኑንም ተናግረዋል፡፡

አሠልጣኖቹ ሕግ በማርቀቅ ተሳትፎ ያላቸውና በከፍተኛ የትምሕርት ተቋማት በሕግ መምህርነት የሰሩ እንዲሁም በዳኝነት ሙያ ላይ እየሰሩ የሚገኙ ናቸው፡፡

የኢ.ፌ.ዲ.ሪ የሕዝብ ተወካዮች ምክር ቤት መስከረም 12 ቀን 2013 ዓ.ም ባከሄደው አስቸኳይ ስብሰባ በዚህ ሥልጠና ላይ የተሳተፉ 40 የፌደራል ከፍተኛ ፍ/ቤት ዳኞችን ሹመት ያፀደቀ መሆኑ ይታወሳል፡፡

Previous Article የፍ/ቤቱን ሴት ሰራተኞች ማብቃትና ሃላፊነታቸዉን በብቃት መወጣት የሚያስችሉ ድጋፎችን ማመቻቸት እንዲሁም ምቹ የስራ አካባቢ መፍጠር አስፈላጊነት ተጠቆመ፡፡
Next Article ለፌዴራል መጀመሪያ ደረጃ ፍርድ ቤት ኮሮና ቫይረስ ለመከላከል የሚያስችል ድጋፍ ተደረገለት
Print
202