የፌደራል መጀመሪያ ደረጃ ፍርድ ቤት ዳኞች በፌደራል ጠቅላይ ፍርድ ቤት በመገኘት ሲያደርጉ የነበረው ጉብኝት እና ውይይት ተጠናቀቀ

የፌደራል መጀመሪያ ደረጃ ፍርድ ቤት ዳኞች በፌዴራል ጠቅላይ ፍርድ ቤት በመገኘት ከቀን 21/04/2018 ዓ.ም እስከ 27/04/2018 ዓ.ም ለተከታታይ 5 የስራ ቀናት ጉብኝት እና ውይይት አድርገዋል፡፡

በቆይታቸውም የዳኝነት አገልግሎት አሰጣጡን ለማዘመን የተዘረጉ የቴክኖሎጂ መሰረተ ልማቶች እና የለሙ የተለያዩ መተግበሪያዎች ምልከታ ያደረጉ ሲሆን ከፍርድ ቤቱ አመራሮች እና ከሚመለከታቸው ባለሙያዎች ሰፊ ማብራሪያ ተሰጥቶባቸዋል፡፡

ክቡራን ዳኞቹም ባደረጉት ምልከታ እየተሰሩ ላሉ የቴክኖሎጂ ሪፎርሞች ያላቸውን አድናቆት በመግለጽ ቴክኖሎጂዎችን በተመለከተ ሀሳብ አስተያየቶችና ጥያቄዎችን በማንሳት ሰፊ ውይይት ተደርጓል፡፡

ጉብኝቱ በትግበራ ወቅት በቀላሉ ወደ ስራ ለመግባት የሚያግዝ በመሆኑ መሰል ጉብኝቶች እና ውይይቶች ተጠናክረው ሊቀጥሉ ይገባል ተብሏል፡፡