ራህዋ አማረ አስመጪ እና የኢትዮጵያ ገቢዎችና ጉምሩክ ባለሥልጣን ሞጆ ቅርንጫፍ ጽ/ቤት የሰ/መ/ቁጥር 204646

ለዚህ የሰበር መዝገብ ክርክር መነሻ የሆነው ጉዳይ የቀረበው አመልካች መጋቢት 16 ቀን 2013 ዓ/ም በተፃፈ አቤቱታ የፌደራል ጠቅላይ ፍ/ቤት ይግባኝ ሰሚ ችሎት በመ/ቁጥር 193949 ጥር 24 ቀን 2013 ዓ/ም በዋለው ችሎት የሰጠው ውሳኔ መሰረታዊ የህግ ስህተት የተፈጸመበት በመሆኑ በሰበር ታይቶ እንዲታረምልኝ በማለት ቅሬታዋን በማቅረቧ ነው፡፡ ቅሬታዋም አቤት የተባለበትን ውሣኔ፣ አመልካች የምትቃወምባቸውን ምክንያቶች የሚዘረዝርና በሰበር ሰሚው ችሎት በኩል ሊታይልኝ ይገባል የምትለውን ዳኝነት የሚጠይቅ ሲሆን፣ አመልካች ያስገባሁትን እቃ ትክክለኛውን ዋጋ አቅርቤ እያለ ተጠሪ ካለ በቂ ምክንያት ህጉን ባልተከተለ መንገድ ውድቅ አድርጎ በ2007 ዓ/ም (2015 እኤአ) የገባ እቃ ከ2 ዓመት በኋላ በ2009 ዓ/ም (2017 እኤአ) በገባ እቃ ጥናት ተደርጎ ቀረጥና ታክስ ተተምኖ ተጨማሪ ቀረጥና ታክስ እንድከፍል መወሰኑ መሰረታዊ የህግ ስህተት የተፈጸመበት በመሆኑ ይታረምልኝ የሚል ነው፡፡መልካም ንባብ……..