ጉዳዩ አባትነትን የመካድ ክስ ሊቀርብ የሚችልበትን አግባብ የሚመለከት ነዉ፡፡አመልካቾች በአሁን ተጠሪ እና በስር 2ኛ ተከሳሽ ወ/ሮ ጌጤ በየነ ወያ ላይ በፌዴራል መጀመሪያ ደረጃ ፍርድ ቤት በመሰረቱት ክስ - አመልካቾች የሟች ወንድማችን አስር አለቃ ሀብታሙ ካሳ ገብረስላሴ ተተኪ ወራሾች መሆናችንን በፍርድ ቤት አስወስነናል፡፡በዚህ መሠረት አመልካቾች የሟች ወንድማችን ዉርስ እንዲጣራ አቤቱታ አቅርበን ዉርሱ በማጣራት ሂደት ላይ ተጠሪ የሟች አስርአለቃ ሀብታሙ ካሳ እና ከሚስታቸዉ የስር 2ኛ ተከሳሽ ሳይወለዱ ልጅ ነኝ በማለት ከሕግ-ዉጭ ከአዲስ አበባ ከተማ የመጀመሪያ ደረጃ ፍርድ ቤት በመ/ቁጥር 1235/98 ላይ በቀን 17/08/1998 ዓ/ም የወራሽነት ማስረጃ መዉሰዳቸዉን አረጋግጠናል፡፡ሟች አስር አለቃ ሀብታሙ ካሳ ገ/ስላሴ በሕይወት ዘመናቸዉ ከ2ኛ ተከሳሽ ከወ/ሮ ጌጤ በየነ ወያ ጋር ጋብቻ መስርተዉ ይኖሩ የነበረ ቢሆንም ከአብራካቸዉ ልጅ አልወለዱም፡፡ወ/ሮ ጌጤ የተጠሪ እናት አይደሉም፡፡ ሆኖም 1ኛ ተጠሪ የሟች የአስር አለቃ ሀብታሙ ካሳ ባለቤት ከሆኑት ወ/ሮ ጌጤ በየነ ጋር የስጋ ዝምድና ስላላቸዉና ሟችም ስላሳደጓቸዉ ብቻ ልጅ ነኝ በማለት እንቅስቃሴ እያደረጉ ይገኛሉ፡፡ስለሆነም ተጠሪ የሟች አስር አለቃ ሀብታሙ ካሳ ገ/ስላሴ ልጅ አይደሉም ተብሎ ይወሰንልን በማለት ዳኝነት ጠይቀዋል፡፡መልካም ንባብ…

ጉዳዩ ያልተከፈለን የቀረጥና ታክስ ክፍያ መሠረት በማድረግ ወለድ ሊከፈል አይገባም በማለት የቀረበን ክርክር የሚመለከት ሲሆን ክርክሩ የተጀመረው ከፌዴራል ታክስ ይግባኝ ኮሚሽን ነው፡፡ የአሁን ተጠሪ ለአመልካች መስሪያ ቤት ባቀረቡት አቤቱታ አመልካች መስሪያ ቤት የአሲኩዳ ሲስተም ኤክሳይዝ ታክስ የማይከፈልባቸው ዕቃዎች ላይ ከጉምሩክ ቀረጥ ማስከፈያ ዋጋ መነሻ ወደ ተጨማሪ እሴት ታክስ ሲሸጋገር 1 በመቶ ሲቀንስ የነበረ በመሆኑ በሲስተም ችግር ምክንያት የተዘለለውን ቀሪ ቀረጥ እና ታክስ ተጠሪ እንዲከፍል ጠይቋል፤ ተጠሪ ቀረጥ እና ታክሱ እንዳይከፈል ያደረግኩት ነገር የለም፤ አመልካች ቀረጥ እና ታክሱን ማስከፈል ይችላል ቢባል እንኳን ወለድ መታሰቡ ከጉምሩክ አዋጅ ውጪ ስለሆነ ውሳኔው ሊታረም ይገባል በማለት አቤቱታ አቅርበዋል፡፡መልካም ንባብ…  

አቤቱታውም  እርስ በእርስ በሚጋጭ ማስረጃ የተወሰነ ውሳኔ የሰበር አስገዳጅ የሕግ ትርጉምን የጣሰ ነው፡፡ የእርሳ ይዞታ በክልሉ ሕግ ለልጅ ልጅ አይደገምም ስጦታውም አልተመዘገበም፡፡ ስለዚህ ይታረምልኝ የሚል ነው፡፡ጥሩ ንባብ.....

ጉዳዩ የስራ ክርክርን የሚመለከት ሲሆን  አቤቱታውም  በወቅቱ ህገወጥ ስብሰባ ስለማድረጋችን በተጠሪ ምስክሮችም ቢሆን አልተረጋገጠም የተረጋገጠው የመብት ጥያቄ ማንሳታችን ነው ይህ ደግሞ ያለማስጠንቀቂያ የስራ ውል ለማቋረጥ በቂ ምክንያት አይደለም ስለሆነም የስር መጀመሪያ ደረጃ ፍርድ ቤት በዚህ አግባብ መርምሮ የሰጠውን ውሳኔ የስር ከፍተኛ ፍርድ ቤት በመሻር የሰጠው ዉሳኔ መሰረታዊ የህግ ስህተት የተፈጸመበት በመሆኑ ሊሻርልን ይገባል የሚል ነዉ፡፡ጥሩ ንባብ

መዝገቡ ለዚህ ሰበር ሰሚ ችሎት የቀረበው የሰበር አጣሪ ችሎት በጥር 28 ቀን 2016 ዓ.ም በዋለው ችሎት ጉዳዩ በሰበር ሰሚ ችሎት እንዲታይ በመምራቱ ነው፡፡መልካም ንባብ፡፡