አቶ መሀመድ አለሙ እና የኦሮሚያ ጠቅላይ አቃቤ ህግ የሰበር መዝገብ ቁጥር 266395

የፌደራል ጠቅላይ ፍ/ቤት የ2016 ዓ.ም የስድስት ወር አፈጻጸም ግምገማና ውይይት በቀን 09/06/2016 ዓ.ም አካሂዷል፡፡ በአፈጻጸም ግምገማው የዳኞች እና አስተዳደር ሰራተኞች የስራ አፈጻጸም ሪፖርት ግምገማና ውይይት የተደረገ ሲሆን ከዚህ ጋር ተያይዞ የጉዳዮች ፍሰት አፈጻጸም ሪፖርት፣ የኢንስፔክሽን ግኝት ሪፖርት፣ የፌደራል ፍርድ ቤቶች አይ.ሲ.ቲ ፕሮጀክቶች የተመለከተ ገለጻ እንዲሁም የህጻናት ተስማሚ ፍ/ቤቶች ረቂቅ መመሪያ ላይ ገለጻና ውይይት ተደርጓል፡፡ በተመሳሳይ መልኩ የአስተዳደር ሰራተኞች አፈጻጸም ግምገማ መድረክ ላይ ከየስራ ክፍሎቹ የአፈጻጸም ግምገማና ውይይት በተጨማሪ የአስተዳደር ሰራተኞች ደንብ 01/2015 ላይ ገለጻ ተደርጓል፡፡ 

በኢትዬጵያ የቤልጂየም አምባሰደር የሆኑት ክቡር አቶ ስቴፈን ቲጅስ በፌደራል ጠቅላይ ፍርድ ቤት በመገኘት ከፌደራል ጠቅላይ ፍ/ቤት ፕሬዝደንት ክቡር አቶ ቴዎድሮስ ምህረት፣ ምክትል ፕሬዝደንት ክብርት ወ/ሮ አበባ እምቢአለ እንዲሁም ከፍ/ቤቱ የስራ ሃላፊዎች ጋር በመሆን ውይይትና የስራ ጉብኝት አድርገዋል፡፡ 

የካቲት 2 ቀን 2016 ዓ.ም፡ - የፌዴራል ከፍተኛ ፍርድ ቤት አዲስ ለሚያስገነባው የዋና መስሪያ ቤት ህንጻ ተክለሃይማኖት አካባቢ በሚገኘው ፍርድ ቤቱ ከአዲስ አበባ ከተማ አስተዳደር ለግንባታው በተረከበው ይዞታ ውስጥ መሰረተ ድንጋይ የማስቀመጥ መርሃ ግብር ተካሄደ፡፡ 

የፌደራል ፍርድ ቤቶች አስተዳደር ሰራተኞች ጉባዔ በደንብ ቁ 01/2015 መሠረት ተቋቁሞ ዕለተ ሰኞ ጥር 20/2016 ዓ.ም የመጀመሪያ ስብሰባውን አካሂዷል፡፡ ስብሰባውን በእንኳን ደህና መጣችሁ መልዕክት እና በአባላት ትውውቅ ያስጀመሩት የጉባዔው ሰብሳቢና የፌ/ጠ/ፍ/ቤት ፕሬዝደንት ክቡር አቶ ቴዎድሮስ ምህረት የጉባዔው ተመስርቶ ወደ ስራ መግባት የብዙዎች ልፋት ውጤት መሆኑን ጠቅሰው ለዚህ ታሪካዊ ቀን በመብቃትችን እንኳን ደስ አላችሁ ብለዋል፡፡