የፌዴራል ጠቅላይ ፍርድ ቤት ከኢትዮጵያ አርቲፊሻል ኢንተለጀንስ ኢንስቲትዩት ጋር በመተባበር ያለማቸውን አውቶማቲክ ትራንስክሪፕሽን፣ ስማርት ቻትቦት እና ዲጂታል የመረጃ ዴስክ የያዘ የስማርት ኮርት ሩም ሲስተም በታህሳስ 27 ቀን 2016 ዓ.ም በፌደራል ጠቅላይ ፍ/ቤት ቅጥር ግቢ ውስጥ የህዝብ ተወካዮች ምክር ቤት አፈ ጉባኤ አቶ ታገሰ ጫፎ እንዲሁም ከፍተኛ የመንግሥት የስራ ኃላፊዎች እና ተጋባዥ እንግዶች በተገኙበት በይፋ ተመርቋል፡፡

ክቡር ፕሬዚደንቱ ይህን የገለጹት ከታህሳስ 24-25 ቀን 2016 ዓ.ም በሐረሪ ክልላዊ መንግሥት አስተናጋጅነት በሐረር ከተማ በተካሄደው አራተኛው አገር አቀፍ የሕግ አውጭዎች የጋራ ምክክር መድረክ ላይ ነው፡፡

በፌደራል ጠቅላይ ፍርድ ቤትና ጀስቲስ ፎር ኦል ፕሪዝን ፌሎዉሽፕ ኢትዮጵያ የጋራ ትብብር በፌደራል ጠቅላይ ፍድር ቤት የሰበር ስልጣንና ዉሳኔ፤ የህገ-መንግስት አተረጓጎም እንዲሁም ምቹ የህጻናት ፍርድ ቤቶች የአሰራር ረቂቅ መመሪያን የሚያዳብር ወርክሾፕ በርካታ የፌደራል ፍርድ ቤቶች ክቡራን ዳኞችና ሌሎች ከተለያየ የምርምርና የትምህርት ተቋማት የመጡ የህግ ምሁራን በተገኙበት ታህሳስ 19 ቀን 2016 ዓ/ም አዲስ አበባ በሚገኘዉ ኃይሌ ግራንድ ሆቴል ተካሄደ፡፡ 

የህዝብ ተወካዮች ምክር ቤት የህግና ፍትህ ጉዳዮች ቋሚ ኮሚቴ አባላት ተወካዮች ታህሳስ 18 ቀን 2016 ዓ/ም በፌደራል ጠቅላይ ፍርድ ቤት ቅጥር ጊቢ በመገኘት ባደረጉት የመስክ ምልከታ የፌደራል ጠቅላይ ፍርድ ቤት የፌደራል ፍርድ ቤቶችን ፍኖተ ካርታ ተከትሎ በማከናወን ላይ የሚገኙ ተግባራት የሚበረታቱና የሚደነቁ መሆናቸዉን ገልጸዋል፡፡