ለፌደራል ፍርድ ቤቶች የቤተሰብ ችሎት ዳኞች የልምድ ልውውጥ መርሃግብር ተካሄደ

የኢንግላንድ እና ዌልስ ጠበቆች ማህበር ፕሬዚዳንት የሆኑት ክብርት ባርባራ ሚልስ በቀን 19/03/2018 ዓ.ም በፌዴራል ጠቅላይ ፍርድ ቤት በመገኘት ለፌደራል ፍርደ ቤቶች የቤተሰብ ችሎት ዳኞች ልምዳቸውን አካፈሉ፡፡

ፕሬዝዳንቷ ቤተሰብ የአገር መሠረት እንደመሆኑ መጠን የቤተሰብ ነክ ጉዳዮች እንደሌሎች የፍትህ ዘርፎች የዳኝነት አካላትን እና የህጉ ማህበረሰብ ልዩ ትኩረት የሚሹ መሆኑን በማንሳት ላለፉት 35 ዓመታት በቤተሰብ ጉዳዮች ዙሪያ በማሰልጠን፤ በዳኝነት፤ በህግ ማማከር እና በማስማማት ያካበቱትን ልምድ መነሻ በማድረግ ልምዳቸውን አካፍለዋል፡፡

ከልምድ ለውውጡ ባሻገር ፕሬዚዳንቷ በፌዴራል ጠቅላይ ፍርድ ቤት የተጀመሩ የለውጥ ስራዎችን በተመለከተ ውይይት እና ጉብኝት አድርገዋል፡፡