በኢትዮጵያ የአውሮፓ ህብረት አምባሳደር ከፌደራል ጠቅላይ ፍርድ ቤት ፕሬዝደንት ክቡር አቶ ቴዎድሮስ ምህረት ጋር ውይይት አደረጉ

በኢትዮጵያ የአውሮፓ ህብረት አምባሳደር የሆኑት ክብርት ወ/ሮ ሶፊ ፍሮመስበርገር በቀን 02/04/2017 ዓ.ም በፌደራል ጠቅላይ ፍርድ ቤት በመገኘት ከፌደራል ጠቅላይ ፍ/ቤት ፕሬዝደንት ክቡር አቶ ቴዎድሮስ ምህረት ጋር የሁለትዮሽ ውይይት አድርገዋል፡፡

አምባሳደሯ የፌደራል ጠቅላይ ፍ/ቤት እያከናወናቸው ባሉ የሪፎርም ስራዎች ዙሪያ እንዲሁም ወደፊት ከአውሮፓ ህብረት ጋር በጋራ ሊሰሩ የሚችሉባቸው የትብብር መስኮች ላይ ሰፊ ውይይት አድርገዋል፡፡

በተጨማሪም የፌደራል ጠቅላይ ፍ/ቤት ከአርቲፊሻል ኢንተለጀንስ ጋር በመተባበር ያለማቸውን ዘመናዊ የስማርት ኮርት ሩም የችሎት አዳራሾችን፣ የዋይድ ኤሪያ ኔትወርክ መሰረተ ልማትን እንዲሁም ዳታ ሴንተሩን ጎብኝተዋል፡፡