በፌደራል ጠቅላይ ፍርድ ቤት እና በቻይና የዳኝነት ልዑክ ቡድን መካከል የልምምድ ልውውጥ ተደረገ

በቻይና የዳኝነት ልኡካን ቡድን እና በፌደራል ጠቅላይ ፍርድ ቤት መካከል በቀን 23/12/2016 ዓ.ም የልምምድ ልውውጥ ተደረገ፡፡

በመርሃግብሩ ክቡር አቶ ቴዎድሮስ ምህረት የፌዴራል ጠቅላይ ፍ/ቤት ፕሬዝዳንት፤ ክብርት ወ/ሮ አበባ እምቢአለ የፌዴራል ጠቅላይ ፍርድ ቤት ምክትል ፕሬዝደንት፣ በኢትዮጵያ የቻይና ኤምባሲ ምክትል አምባሳደር ሚ/ር ሼን ኪንሚን፤ የሻይንጋይ ከፍተኛ ፍርድ ቤት ፕሬዝደንት ሚ/ር ጉዎ ዎይኪንግ የተገኙ ሲሆን በቻይና የዳኝነት አካል ውስጥ በተለያዩ የስራ ኃላፊነቶች ላይ የሚገኙ ልኡካንም ተሳታፊ ሆነዋል፡፡

በመድረኩ የፌደራል ፍርድ ቤቶች ዋና ዋና የለውጥ ስራዎችና የወደፊት አቅጣጫዎች ላይ ገለጻ የተደረገ ሲሆን በተለይም የፍርድ ቤትን አገልግሎት በቴክኖሎጂ የታገዘ ከማድግ አኳያ በተሰሩ ስራዎች እና በፍትሐብሔራዊ ፍትህ አስተዳዳር ዘርፍ ትኩረት በሚሹ የለውጥ ስራዎች ዙሪያ ሠፊ ውይይት ተደርጓል፡፡

የቻይና ልዑካን ቡድንም ከተደረገላቸው ገለፃ በመነሳት የአገራቸውን ተሞክሮ በስፋት ያካፈሉ ሲሆን የሁለቱን አገራት የትብብር ማዕቀፍ መነሻ በማድረግ በዳኝቱ ዘርፍም በተጀመሩ የለውጥ ስራዎች ላይ በትብብር ለመስራት ይህ የልምድ ልውውጥ እጅግ አስፈላጊ መሆኑን ጠቅሰዋል፡፡

በተጨማሪም ልዑካን ቡድኑ የፌደራል ጠቅላይ ፍርድ ቤትን የዋይድ ኤርያ ኔት ወርክ ዳታ ሴንተርና የስማርት ኮርት ሩም የቴክኖሎጂ ስራዎችን ጎብኝተዋል፡፡