የሀረሪ ጠቅላይ ፍርድ ቤት ልዑክ ቡድን በፌደራል ጠቅላይ ፍርድ ቤት በመገኘት የልምድ ልወውጥ አደረጉ

በሀረሪ ጠቅላይ ፍርድ ቤት ፕሬዝዳንት ክቡር አቶ ሰለሀዲን ቶፊቅ የተመራ የልዑክ ቡድን በፌደራል ጠቅላይ ፍርድ ቤት በቀን 25/03/2018 ዓ.ም በመገኘት የልምድ ልወውጥ አድርገዋል፡፡

በቆይታቸውም የፍርድ ቤቱን አጠቃላይ አደረጃጀት፣ የአሰራር ስርአት፣ የህግ ማዕቀፎች፣የቴክኖሎጂ ሪፎርሞች፣ ከዳኝነት ነጻነት እና ገለልተኝነት አኳያ የተሰሩ ስራዎች፣ የተገኙ ውጤቶችና ያጋጠሙ ተግዳሮቶች እንዲሁም ሌሎች በርካታ ርዕሰ ጉዳዮች ላይ ከሚመለከታቸው የስራ ሃላፊዎች ገለጻና ማብራሪያ ቀርቧል፡፡

በተጨማሪም የአቅም ግንባታን ከማሳደግ አንጻር፣ ሀገር አቀፍና የውጭ ግንኙነቶችን ከማጠናከር አኳያ የተከናወኑ ተግባራት እንዲሁም የፍርድ ቤቱ ቀጣይ የትኩረት አቅጣጫዎች ምን እንደሚመስሉ ልምድ ወስደዋል፡፡

በተጨማሪም ልዑኩ የፌደራል ጠቅላይ ፍርድ ቤት ለክልሉ ፍርድ ቤቶች ልምድ በማካፈልና ትብብር በማድረግ እስካሁን ላደረገው አስተዋጽኦ አመስግነው በቀጣይም ይህ ትብብር እንዲቀጥል ጠይቀዋል፡፡