የፌደራል ጠቅላይ ፍርድ ቤት በአፍሪካ ህብረት በህጻናት ጥበቃ ጉዳዮች እና ሌሎች ጎጂ ተግባራት በኢትዮጵያ ሀገራዊ የክትትል ተልዕኮ ወርክሾፕ ላይ በመገኘት ሪፖርት አቀረበ

ፍርድ ቤቱን በመወከል ገለጻ ያደረጉት የፌደራል ጠቅላይ ፍርድ ቤት ህጻናት ፍትህ ፕሮጀክት ዳይሬክቶሬት ዳይሬክተር ዳኛ ተክለሐይማኖት ዳኜ ሲሆኑ ፍርድ ቤቶች የህጻናትን መብት እና ጥቅም ትርጉም ባለው መልኩ ለማስጠበቅ እንዲረዳ መመሪያዎችን በማውጣት፣ለህጻናት ተስማሚ ፍርድ ቤቶችን በማደራጀት፣ነጻ የህግ እና ማህበራዊ ሳይንስ ድጋፍ በመስጠት፣የዳኞችን አቅም በማሳደግ፣አባትነትን በዘረ-መል ምርመራ በማረጋገጥ ፣ በወንጀል ነክ ጉዳይ ገብተው የተገኙ ህጻናት አገልግሎት በማሻሻል እንዲሁም ሌሎች ስራዎችን በመስራት ላይ እንደሚገኝ ገልጸዋል፡፡

ከዚህም ባለፈ የወርክሾፑ ተሳታፊዎች በፌደራል መጀመሪያ ደረጃ ፍርድ ቤት በመገኘት የህጻናት የህግ ከለላ ማዕከልን እንዲሁም ለህጻናት ተስማሚ ችሎትን ጎብኝተዋል፡፡