የፌዴራል ጠቅላይ ፍርድ ቤት ሕንጻ ግንባታ ያለበት ደረጃ ተገመገመ

አዲስ እየተገነባ ያለው የፌዴራል ጠቅላይ ፍርድ ቤት ሕንጻ ያለበት ደረጃ በዛሬው እለት የፌደራል ጠቅላይ ፍርድ ቤት ፕሬዝደንት ክቡር አቶ ቴዎድሮስ ምህረት እና የከተማ እና መሰረተ ልማት ሚኒስቴር ሚኒስትር ክብርት ወ/ሮ ጫልቱ ሳኒ በተገኙበት በቀን 23/12/2017 ዓ.ም ተገምግሟል፡፡

ግንባታው መልካም አፈጻጻም ላይ የሚገኝ መሆኑ የተመላከተ ሲሆን በዚህም መሰረት በግንባታ ላይ የሚገኙት ሕንጻዎች በሶስት ብሎኮች ተከፍለው እያንዳንዱ ብሎክ በቅደም ተከተል እየተጠናቀቀ ለአገልግሎት ዝግጁ የሚሆንበት ሂደት ላይ በመወያየት የመጀመሪያው ብሎክ በቀጣይ አዲስ ዓመት ዝግጁ የሚሆንበት እና ለፍትሐብሄር ችሎቶች አገልግሎት በሚሰጥበት ሁኔታ እንዲሰራ መመሪያ ተሰጥቷል፡፡

በተጨማሪም በፌዴራል ጠቅላይ ፍርድ ቤት እየተተገበሩ የሚገኙ የፍርድ ቤት ዲጂታላይዜሽን ስራዎችን በመጎብኘት በቀጣይ በሚሰራው አዲሱ ሕንጻ ላይም በተሻለ የሚተገበሩበት ሁኔታ ላይ ውይይት ተደርጓል፡፡