ለበጎ ፈቃደኛ ጠበቆችና የህግ አገልግሎት መስጫ ማዕከል አስተባበሪዎች የልምድ ልውውጥ መድረክ ተካሄደ

በፌዴራል ጠቅላይ ፍርድ ቤት የህጻናት ፍትህ ፕሮጀክት ዳይሬክቶሬት አዘጋጅነት ለነጻ የህግ ድጋፍ የሚሰጡ የበጎ ፈቃድ ጠበቆች፣ የስነ ልቦና ባለሙያዎች እና ነፃ የህግ አገልግሎት መስጫ ማዕከላት አስተባባሪዎች የልምድ ልውውጥና ተግባር ተኮር የዉይይት ተካሂዷል።

‎‎ዳይሬክቶሬቱ ለህጻናት ተስማሚ፣ ምቹ፣ ተደራሽና መብት ተኮር የፍትህ ስርዓት የመገንባት ዓላማዉን እውን ለማድረግ በ2018 በጀት ዓመት ያከናወናቸዉን ዋና ዋና ስራዎች፣ በጥንካሬና በውስንነት የተለዩ ተግባራት እንዲሁም በቀጣይ የተያዙ የትኩረት አቅጣጫዎች በዘርፉ ባለሙያዎች በዝርዝር ቀርበው ውይይት ተደርጎባቸዋል።

‎የማዕከላቱን ተደራሽነት በማሳደግና ወጥ አሰራር እንዲከተሉ በማስቻል ጥራቱን የጠበቀ አገልግሎት ለመስጠት እንዲሁም ከጉዳዩ ጋር ግንኙነት ያላቸውን ባለድርሻ አካላት የህግ አገልግሎት መስጫ ማዕከላት የሚሰጡትን አገልግሎት በሚመለከተ የግንዛቤ ማስጨበጫ ስራዎች በቀጣይ በትኩረት እንደሚሰራባቸው በመድረኩ የተነገረ ሲሆን የማስማማት ተግባርን በተመለከተ ገለጻ ተደርጓል።