የፌደራል ጠቅላይ ፍ/ቤት ሰበር ሰሚ ችሎት የሚሰጣቸውን ውሳኔዎችን በመጽሐፍ መልክ አትሞ ለማሰራጨት ከብርሃንና ሰላም ማተሚያ ድርጅት ጋር ታህሳስ 9 ቀን 2016 ዓ.ም የመግባቢያ ስምምነት ተፈራረመ፡፡

የፌደራል ፍርድ ቤት ሠራተኞች ዘንድሮ በዓለም አቀፍ ደረጃ ለ32ኛ ጊዜ በሀገራችን ደግሞ ለ18ኛ ጊዜ እየተከበረ የሚገኘውን ዓለም አቀፍ የፀረ-ፆታዊ ጥቃት ቀን ታህሳስ 5 ቀን 2016 ዓ.ም በፍርድ ቤቱ የስብሰባ አዳራሽ በተለያዩ ዝግጅቶች አከበሩ፡፡

የፌደራል ጠቅላይ ፍርድ ቤት የህጻናት ፍትህ ፕሮጀክት ጽ/ቤት ከዓለም አቀፉ የህጻናት አድን ድርጅት (Save The Children) ጋር በመተባበር ወንጀል ነክ ነገር ዉስጥ ገብተዉ የተገኙ ወጣቶችና በሴቶችና ህጻናት ችሎት ያጋጠሙ መልካም ተለሞክሮዎችና ተግዳሮቶች (Children in conflict with the law) በሚል ርዕስ በተዘጋጀው የምክክር መድረክ 50 የሚጠጉ ከፌደራልና ክልል ፍርድ ቤቶች የተዉጣጡ ዳኞችና ማህበራዊ ሳይንስ ባለሙያዎች ተሳትፈዋል፡፡

በተባበሩት መንግስታት የሰብአዊ መብት ጽህፈት ቤት የከፍተኛ ኮሚሽነር -ምስራቅ አፍሪካ ክልላዊ ጽህፈት ቤት (OHCHR-EARO) ከኢትዮጵያ ፌዴራል ጠቅላይ ፍርድ ቤት ጋር በመተባበር የተዘጋጀው ምክክር መድረክ ፕሮፌሰር ክሪስቶፈር ሚባዚራ የህዝብ ጥቅም ሙግት ከኢኮኖሚ፣ ማህበራዊ እና የባህል መብቶች አንጻር ያለውን አንድምታ ሰፊ ማብራሪያ ያቀረቡበትና ውይይት የተደረገበት ሲሆን ታከለ ቡልቶ (ዶ/ር) በበኩላቸው አለምአቀፍ የሰብአዊ መብቶችና እነዚህን መብቶች ለማስፈጸም የሀገር ውስጥ ህጎችን ሚና በተመለከተ ትንትና አቅርበዋል፡፡

በሁለት ዙር ተከፍሎ በቻይና የዳኝነት ስርዓት ኮሌጅ አዘጋጅነት የተካሄደው የብሪክስ አገራት ዳኞች ሴሚናር ሕዳር 25 ቀን 2016 ዓ.ም ተጠናቋል፡፡ በሴሚናሩ ላይ የኢትዮጵያ፤ የግብፅ እና የብራዚል ልዑካን የተሳተፉ ሲሆን በተለይም በሁለተኛው እና በመጨረሻው ዙር የፌደራል መጀመሪያ ደረጃ ፍርድ ቤት ፕሬዚዳንት ክቡር አቶ ፉአድ ኪያርን ጨምሮ 11 የፌደራል ፍርድ ቤቶች ዳኞች እንዲሁም ከፍትህ ሚኒስቴር 9 ዓቃቢያነ ህጎች ተሳትፈዋል፡፡

የፌደራል ፍርድ ቤቶች ‹‹ሙስና የጋራ ጠላታችን ነዉ፤ በህብረት እንታገል›› በሚል መሪ ቃል በዓለም አቀፍ ደረጃ እየተከበረ የሚገኘውን የጸረ ሙስና ቀን በዓል ህዳር 21 ቀን 2016 ዓ/ም በድምቀት አከበሩ፡፡

የፌደራል ጠቅላይ ፍርድ ቤት ከወርልድ ባንክ ስታር ኢኒሺዬቲቭ (World Bank Star Initiative) ጋር በመተባበር በሶስቱም ደረጃ ለሚገኙ የፌደራል ፍርድ ቤቶች ዳኞች ያዘጋጀው የ3 ቀን ሥልጠና ተጠናቀቀ፡፡

በሪፖርቱ በእቅድ ዝግጅት ምዕራፍ ላይ የተከናወኑ ተግባራት፣ የዳኝነት ነጻነትና ተጠያቂነት መርሆዎችን ከማጠናከር፣ ቅልጥፍናና ጥራትን ከማሳደግ ፣የፍ/ቤቶችን ተደራሽነት ከማስፋፋት፣ አገራዊና አለምአቀፋዊ አጋርነትን እንዲሁም የመምራትና የመፈጸም ብቃት ከማሳደግ አኳያ የተከናወኑ ተግባራት የተዘረዘሩ ሲሆን በተጨማሪነትም የኢኮቴ አጠቃቀም እና የፋይናንስና ንብረት ውጤታማነትን ለማሳደግ የተከናወኑ ተግባራት በሰፊው ማብራሪያ ተሰጥቶባቸዋል፡፡