ሐምሌ 22 ቀን 2016 ዓ.ም፡- የፌዴራል ከፍተኛ ፍርድ ቤት ድሬደዋ ምድብ ችሎት የቢሮ እድሳት የምርቃት ስነ-ስርዓት የፌዴራል ጠቅላይ ፍርድ ቤት ፕሬዝዳንት ክቡር አቶ ቴዎድሮስ ምህረት የፌዴራል ጠቅላይ ፍርድ ቤት ምክትል ፕሬዝዳንት ክብርት ወ/ሮ አበባ እምቢአለ፣ የፌዴራል ከፍተኛ ፍርድ ቤት ፕሬዝዳንት ክብርት ወ/ሮ ሌሊሴ ደሳለኝ፣ የፌፌራል ከፍተኛ ፍርድ ቤትና የመጀመሪያ ደረጃ ፍርድ ቤት የበላይ አመራሮች፣ የህዝብ ተመካዮች የህግና ፍትህ ቋሚ ኮሚቴ ምክትል ሰብሳቢ የተከበሩ አቶ ኢሳ ቦሩ፣ የህዝብ ተወካዮች የፋይናንስ ቋሚ ኮሚቴ የተከበሩ አቶ ወንደሰን፣ የድሬደዋ ከተማ አስተዳደር ከንቲባ ክቡር አቶ ከድር ጀዋር፣ የድሬደዋ ከተማ አስተዳደር የምክር ቤት አባላትና ስራ አስፈጻሚዎች፣ የሀይማኖት አባቶች፣ የሀገር ሽማግሌዎች እና ሌሎች ተጋባዥ አንግዶችና የፍርድ ቤቱ ሰራተኞች በተገኙበት ተካሄደ፡፡

ለፌዴራል ጠቅላይ ፍርድ ቤት ተከላካይ ጠበቆች ፣ ረዳት ዳኞች እና ሬጂስትራሮች “ Work Related Stress Management” በሚል ርዕሰ ጉዳይ ሐምሌ 9 እና 11 ቀን 2016 ዓ.ም ስልጠና ተሰጥቷል፡፡

የፌደራል ጠቅላይ ፍርድ ቤት ህጻናት ፍትህ ፕሮጀክት ዳይሬክቶሬት "African Union Country Monitoring Mission/Workshop on Child Protection issues and other Harmful Practices in Ethiopia"በሚል የተዘጋጀ 3 ቀን ወርክሾፕ ላይ በመገኘት ፍርድ ቤቶች በህጻናት መብት እና ደህንነት ዙሪያ ያከናወኗቸው ስራዎች ላይ ገለጻ አድርጓል፡፡

የፌደራል ፍርድ ቤቶችን በዋይድ ኤርያ ኔትወርክ (WAN) ለማገናኘት እየተከናወነ የሚገኘውን የፕሮጀክት አፈጻጸም የሕዝብ ተወካዮች ም/ቤት የሕግ ጉዳዮች ቋሚ ኮሚቴ አባላት፣ የፕላንና በጀት ጉዳዮች ቋሚ ኮሚቴ አባላት፣ የፌደራል ፍርድ ቤቶች አመራሮች፣ የኢትዮ ቴሌኮም የስራ ሃላፊዎች እንዲሁም ሌሎች ተጋባዥ እንግዶች ሐምሌ 4 ቀን 2016 ዓ.ም በፌደራል የመጀመሪያ ደረጃና ከፍተኛ ፍርድ ቤት እንዲሁም በፌደራል ጠቅላይ ፍርድ ቤት በመገኘት ጎብኝተዋል፡፡

ከፌደራል ፍርድ ቤቶች፣ ከፍትሕ ሚኒስቴር፣ ከፌደራልና ከአዲስ አበባ ፖሊስ፣ ከፌደራል ማረሚያ ቤቶች አስተዳደር እና ከፌደራል ጠበቆች ማሕበር የተወከሉ የሥራ ኃላፊዎች፣ ዳኞች እንዲሁም ባለሙያዎች የተሳተፉበትና በተከታታይ የወንጀል ክስ አሰማም ሂደት (Continuous Criminal Trial) ላይ ‹‹Assessment of gaps that obstruct continuous ctriminal trials in federal courts›› በሚል ርዕስ በተከናወነ ጥናት ላይ የማረጋገጫ እና የምክክር መድረክ (Validation Workshop) ሰኔ 29 ቀን 2016 ዓ.ም ተካሄዷል፡፡

የፌደራል ጠቅላይ ፍርድ ቤት አስገዳጅ የህግ ትርጉም የሰጠባቸዉን በድምጽ ቅጂ መልክ የተዘጋጁ ከቅጽ 1-18 ያሉ የሰበር ዉሳኔዎች ለኢትዮጵያ ዓይነ ስዉራን ብሄራዊ ማህበር ሰኔ 25 ቀን 2016 ዓ/ም አበረከተ።

ለፌደራል ጠቅላይ ፍርድ ቤት ዳኞችና የስራ ሃላፊዎች በቀን 22/10/2016 ዓ.ም ‹‹stress management›› & ‹‹ emotional intelligence›› በሚል ርዕሰ ጉዳይ የክህሎት ስልጠና ተሰጥቷል፡፡ የስልጠናው አላማ ዳኞችና የፍርድ ቤት የስራ ሃላፊዎች ከዕለት ተዕለት ስራቸው ጋር በተገናኘ ጫናዎችን የሚያስተናግዱበት፣ የሚቋቋሙበትንና የአመራር ክህሎትን የሚያሳድጉባቸው ክህሎቶች/ዘዴዎች ላይ የግንዛቤ ማስጨባጫ መስጠት ነው።

በሩሲያ ፌዴሬሽን የሕገመንግስት ፍርድ ቤት ‹‹Protection of Rights and Constitutional Supervision›› በሚል ርዕስ በቀን 19/10/2016 ዓ.ም በተዘጋጀውና ከ25 በላይ ሃገራት ህገመንግስታዊ ፍርድ ቤት ፕሬዝደንቶች በተገኙበት ዓለም አቀፍ ኮንፍረንስ ላይ የኢፌዲሪ የሕገመንግሥት አጣሪ ጉባኤ ሰብሳቢና የፌደራል ጠቅላይ ፍርድ ቤት ፕሬዚደንት ክቡር አቶ ቴዎድሮስ ምህረት በሩሲያ ፌዴሬሽን በሴንት ፒተርስበርግ ከተማ ሕገመንግሥታዊ ፍርድ ቤት በመገኘት የኢፌድሪ የህገ መንግስት ጉዳዮች አጣሪ ጉባኤን ሚና፣ አወቃቀር፣ አደረጃጀትና አሠራር፣ ሥልጣንና ተግባራቱን በተመለከተ ያለውን ተሞክሮ አቅርበዋል